ملتان ریجن کےدو روزہ انڈر16،13 اور انڈر 19 کے ٹرائلز
پی سی بی کے زیر اہتمام ملتان ریجن کےدو روزہ انڈر16،13 اور انڈر 19 کے ٹرائلز 10فروری کو مسلم کالج کرکٹ گراؤنڈ بلی والا میں ہوں گے ۔
ٹرائلز کیلئے پی سی بی کی طرف سے ٹیسٹ کرکٹر اعجاز جونئیر ٹرائلز کوچ و سلیکٹر ہوں گے، جبکہ سابق فرسٹ کلاس کرکٹر زاہد چنگیزی کوارڈینیٹر ہوں گے ۔
ٹرائلز صبح 9 بجے شروع ہوں گے ، انڈر 16،13 کے ٹرائلز 10فروری کو اور انڈر 19 کے ٹرائلز 11 فروری کو ہوں گے۔ٹرائلز میں شرکت کے خواہش مند کھلاڑی فارم کے حصول کیلئے کمبائنڈ کرکٹ کلب ممتاز آباد کے رانا زوہیب اور ناصر خان سے رابطہ کرسکتے ہیں۔
ٹرائلز میں شرکت کیلئے پی سی بی کی طرف سے جاری ہدایت کے مطابق ٹرائلز میں آنیوالے کھلاڑی 3 عدد تازہ پاسپورٹ سائز تصاویر ،شناختی کارڈ یا فارم ب کی کاپی ،اسکول سرٹیفکیٹ اور والد کے شناختی کارڈ کی کاپی کیساتھ حاصل کردہ فارم مکمل پر کر کے ساتھ لائیں گے ۔
