ملتان ٹیچر یونین کے رہنما کی موٹر سائیکل چوری

گول باغ گل گشت کالونی میں ہونے والے اساتذہ کے تنظیمی اجلاس کے دوران ملتان ٹیچر یونین کے رہنما غنضفرعباس کی موٹر سائیکل نمبری اے ایم سی 1002 چرا لی گئی۔

ملتان ٹیچرز یونین کے صدر ملک غضنفر عباس اور جنرل سیکرٹری کاشف چوہدری نے اپنے مشترکہ بیان میں پولیس کے اعلی احکام سے مطالبہ کیا ہے کہ موٹر سائیکل کی چوری میں ملوث ملزموں کو فوری گرفتار کر کے موٹرسائیکل برآمد کی جائے۔

موٹرسائیکل چوری کا واقعہ اس وقت پیش آیا جب گول باغ میں اساتذہ تنظیمی اجلاس جاری تھا۔

چوری کی اطلاع فوری طور پر پولیس 15 کو دی گئی۔ متعلقہ تھانے کی پولیس بھی موقع پر پہنچی، مگر موٹر سائیکل کا سراغ نہ مل سکا۔

پولیس نے موٹر سائیکل چوری کا مقدمہ درج کر لیا ہے۔