گندگی پھیلانے والوں کے خلاف ملتان ویسٹ مینجمنٹ کمپنی جوڈیشیل مجسٹریٹ کی خدمات لے گی
ملتان ویسٹ مینجمنٹ کمپنی نے جوڈیشیل مجسٹریٹ کی خدمات حاصل کرنے کے لئے تجاویز تیار کر لی ییں۔
اب سڑکوں پر کچرا اور ملبہ پھینکنے والوں اور شہر میں قائم بھانوں اور گلیوں میں مویشی باندھنے والوں کو سزا کا سامنے کرنا پڑے گا۔
ملتان ویسٹ مینجمنٹ کمپنی کا انفورسمنٹ ڈپیارٹمنٹ جن شہریوں کو نوٹس جاری کرے گا،وہ عدالت میں پیش ہوں گے۔
جوڈیشیل مجسٹریٹ ان شہریوں کے خلاف مقدمات کے اندراج اور جرمانے کا حکم جاری کریں گے۔
سی ای او ملتان ویسٹ مینجمنٹ کمپنی محمد فاروق ڈوگر یہ تجاویز ڈپٹی کمشنر عامر کریم خان کو ارسال کریں گے۔جن سے حتمی منظوری لی جائے گی۔
سی ای او محمد فاروق ڈوگر نے اس بارے بتایا کہ طویل عرصہ سے آگاہی مہم چلانے کے باوجود شہری سڑکوں اور گلیوں کے بیچ کچرا اور ملبہ پھینکنے سے گریز نہیں کرتے۔دوسری طرف زیر تعمیر عمارتوں کا ملبہ اٹھانے پر کمپنی کو فیول کے اخراجات برداشت کرنے پڑتے ہیں۔
انہوں نے کہا کہ قوانین کی پاسداری کے لئے مجسٹریٹ کی خدمات کا حصول ناگزیر ہے۔ترقی یافتہ ممالک میں شہروں میں صفائی برقرار رکھنے کے لئے سخت قوانین اپنائے گئے ہیں
