فنی تعلیم کے ڈپلومے کروانے والوں کے گرد گھیرا تنگ

غیر رجسٹرڈ ادارے بھاری فیسیں وصول کرکے طلباء کو جعلی فنی تعلیمی کے حوالے سے ڈپلومہ کروانے لگے، نیشنل وکیشنل اینڈ ٹیکنیکل ٹریننگ کمیشن نے بغیر اجازت فنی تعلیم فراہم کرنے والے اداروں کیخلاف نوٹس لے لیا۔

بتایا گیا ہے کہ نیشنل وکیشنل اینڈ ٹیکنیکل ٹریننگ کمیشن نے بغیر اجازت فنی تعلیم فراہم کرنیوالے اداروں کیخلاف نوٹس لے لیا۔

نیوٹیک نے غیر رجسٹرڈ اداروں کیخلاف کارروائی کرنے کا اعلان کردیا، نیوٹیک نے غیر قانونی ڈپلومہ کروانے والوں کیخلاف کارروائی شروع کردی اور رجسٹرڈ اور مستند فنی تعلیمی اداروں کی فہرست جاری کردی۔

نیوٹیک کے مطابق 13 فنی تربیتی اداروں کے علاوہ کوئی اور ڈپلومہ کروانے کا مجاز نہیں، ان 13 اداروں کے علاوہ کسی ڈپلومہ کی تصدیق نہیں کی جائے گی۔