زکریا یونیورسٹی : داخلے اور تیاریاں مکمل نہ ہوسکیں، پہلے سمسٹر کی کلاسز 16 ستمبر تک ملتوی کردی گئیں

زکریا یونیورسٹی میں گزشتہ روز سے نئے تعلیم سال کا آغاز ہونا تھا مگر تیاریاں ادھوری رہ گئیں اور کئی کلاسز میں داخلے بھی پورے نہ ہوسکے، جس پر پہلے سمسٹر کی کلاسز کو 16ستمبر تک ملتوی کردیا گیا۔

اس سلسلے میں جاری مراسلے میں کہاگیا ہے کہ بی ایس کے پہلے سمسٹر (نئے داخلے والے طلباء) کی کلاسوں کا اجرا جو دو ستمبر کوہونا تھا ناگزیر وجوہات کی بنا پر 16ستمبر تک ملتوی کیا جاتا ہے، تاہم 5ویں سمسٹر (نئے داخل شدہ طلباء) کی کلاسیں اورپہلے سے چلنے والے سمسٹروں کے ساتھ، پچھلے شیڈول کے مطابق 2 ستمبر 2024 کو شروع ہوں گی۔