ہیڈ ماسٹرز اور سربراہان کے لیے ٹیسٹ پاس کرنے کی بنیاد پر نئی مراعات کا اعلان

محکمہ تعلیم نے ہائی سکولز کے ہیڈ ماسٹرز اور سربراہان کے لیے ٹیسٹ پاس کرنے کی بنیاد پر نئی مراعات کا اعلان کر دیا ہے جبکہ ٹیسٹ نہ دینے یا ناکام ہونے والے موجودہ سربراہان کیلئے سخت اقدامات کی بھی تیاری کی جا رہی ہے۔

بتایاگیا ہے کہ گریڈ 16 کے وہ اساتذہ جو ٹیسٹ پاس کر لیں گے، انہیں گریڈ 17 کے ہیڈ ماسٹرز کے برابر تنخواہ دی جائے گی جو اساتذہ ٹیسٹ پاس نہیں کریں گے، انہیں ہیڈششپ ے فارغ کر دیا جائے گا اور ہیڈ ماسٹر یا پرنسپل کا چارج چھوڑنا ہوگا۔

ذرائع کے مطابق ہزاروں اساتذہ محکمانہ کارروائی کے خوف سے ہیڈشپ کے لیے اپلائی نہیں کر رہے حالانکہ محکمہ تعلیم کا کہنا ہے کہ کسی بھی ٹیچر کے خلاف فوری تادیبی کارروائی نہیں کی جائے گی۔

یاد رہے کہ ہیڈ ماسٹر یا سربراہ بننے کے لیے آن لائن اپلائی کرنے کی آخری تاریخ 12 جولائی مقرر کی گئی ہے۔