میپکو: بجلی کی بلا تعطل فراہمی کےلئے دن رات کوشاں ہیں ۔ ایس ڈی او کینٹ
کینٹ سب ڈویژن میپکو ملتان کے ایس ڈی او مطاہر افضل بھٹہ نے کہا ہے کہ ملازمین کو درپیش مسائل کے حل کے لیے تمام تر صلاحیتیں بروئے کار لا رہے ہیں تاکہ انہیں کسی قسم کی پریشانی کا سامنا نہ ہو، جو دن ہو یا رات؛ شہریوں کو بروقت بجلی کی فراہمی کو یقینی بنانے کے لیے دن رات کوشاں ہیں۔
ان خیالات کا اظہار انہوں نے کینٹ سب ڈویژن میپکو یونین کے نو منتخب عہدے داران تقریب حلف برداری سے خطاب کرتے ہوئے کیا، اور نو منتخب عہدے داران سے حلف لیا۔
اس موقع پر نو منتخب چیئرمین بہادر علی شاہ وائس چیئرمین، کاشف رضا سیکرٹری، رانا تصور جاوید سمیت دیگر عہدے داران چوہدری عبد الوحید شیر محمد تھہیم، سید فاروق شاہ، خالد محمود، ملک محمد سعید اعوان، امیر حسین، ملک محمد نواز اعوان، محمد معین اختر کلیم بھی موجود تھے۔
انہوں نے امید ظاہر کی کہ نو منتخب عہدے داران جہاں ملازمین کے مسائل کے حل کے لیے اپنی ذمہ داری ادا کریں گے، وہاں وہ میپکو کی ترقی و خوشحالی کے لیے ہمیشہ کی طرح جدوجہد جاری رکھیں گے۔
