ایمپلائز یونین زکریا یونیورسٹی کی تقریب حلف برداری
چیئرمین پبلک اکاؤنٹس کمیٹی پنجاب و ممبر سنڈیکیٹ بہاء الدین زکریا یونیورسٹی ملتان سید علی حیدر گیلانی نے کہا ہے کہ جامعہ زکریا ملازمین کے سر پر چلتی ہے ، ایمپلائز کے مسائل و مشکلات کے حل کے لیے ملکر کام کریں گے ان خیالات کا اظہار انہوں نے ایمپلائز ویلفیئر ایسوسی ایشن زکریا یونیورسٹی ملتان کے نو منتخب عہدیداروں کی تقریب حلف برداری سے خطاب کرتے ہوئے کیا ۔ انہوں نے کہا کہ تقریب میں آکر یونیورسٹی ملازمین کے تمام مسائل اور مشکلات سے آگاہی ہوئی ہے ہم ملازمین کے خدمت کے لیے ہر وقت حاضر ہیں زکریا یونیورسٹی کے ایشوز حل کروانے میں اپنا کردار کریں گے اور ملازمین کی تکالیف دور کریں گے اور آپ کے شانہ بشانہ کھڑے ہوں گے ۔ قبل ازیں نو منتخب صدر محمد حر غوری نے سپاسنامہ پیش کیا اور ملازمین کے مسائل و مشکلات سے شرکاء و مہمان خصوصی کو آگاہ کیا ۔ اس موقع پر مہمان خصوصی سید علی حیدر گیلانی نے نو منتخب عہدیداروں سے حلف لیا ۔ تقریب میں جنرل سیکرٹری ملک ندیم بوسن ، حافظ اللہ دتہ کاشف بوسن ، چیف سیکورٹی آفسیر پروفیسر عثمان سلیم ، ملک حاجی لیاقت علی بوسن ، ملک احسن مہے ، ملک غلام عباس مہے ، ملک حاجی علی شیر بوسن ، ملک وجاہت بچہ و دیگر بھی موجود تھے ۔
