پاکستان اور نیوزی لینڈ کے درمیان سیریز کے لیے میچ آفیشلز کا تقرر

پی سی بی نے پاک نیوزی لینڈ سیریز کے لیے میچ آفیشلز کا اعلان کردیا گیا، علیم ڈار اور احسن رضا ون ڈے سیریز میں امپائرنگ کے فرائض انجام دیں گے۔
ٹی ٹوینٹی سیریز میں آصف یعقوب، فیصل آفریدی، راشد ریاض اور شوزب رضا امپائرنگ کریں گے۔
واضح رہے کہ دونوں ٹیموں کے درمیان ون ڈے میچز 17، 19 اور 21 ستمبر کو راولپنڈی میں شیڈول ہیں، جبکہ 5 میچوں پر مشتمل ٹی ٹوینٹی سیریز 25 ستمبر سے لاہور میں کھیلی جائے گی۔
ون ڈے سیریز کے لیے راولپنڈی کرکٹ اسٹیڈیم میں تیاریاں جاری ہیں، ون ڈے میچز کے لیے 4 پچز تیار کی گئی ہیں، گراؤنڈ میں 25 فیصد تماشائیوں کو داخلے کی اجازت ہوگی۔
نیوزی لینڈ کی کرکٹ ٹیم 10 اور 11 ستمبر کی درمیانی شب پاکستان پہنچے گی جس کے لیے سیکیورٹی سمیت ہر طرح کے انتظامات بہترین انداز میں کیئے جا رہے ہیں، پاکستان کرکٹ ٹیم بھی اسلام آباد پہنچ گئی ہے۔