سکولوں میں میٹرک کلاسز کو صرف ایس ایس ٹیز ہی پڑھائیں گے

محکمہ سکولز نے میڑک کی کلاسز پڑھانے کےلئے ایس ایس ٹیز کی ڈیوٹیز لگادی ہے۔

جاری مراسلے میں کہا گیا ہےکہ دوران مانیٹرنگ مشاہدے میں آیا ہے کہ ای ایس ٹی اور پی ایس ٹی میڑک کلاسز پڑھارہے ہیں جبکہ سکول میں ایس ایس ٹیز بھی موجود ہیں۔

اس لئے تمام سی ای اوز کو ہدایت کی جاتی ہے کہ وہ سکولوں کو مطلع کریں کہ سکولوں میں صرف ایس ایس ٹی اساتذہ ہی کلاس 9ویں اور 10ویں کو پڑھائیں گے۔

کسی بھی اسکول میں ایس ایس ٹیز اساتذہ کی کمی کی صورت میں پرنسپل ای ایس ٹی اساتذہ کو 9ویں اور 10ویں جماعت کو پڑھانے کے لیے شامل کر سکتا ہے تاکہ تعلیمی سرگرمیوں کے تسلسل کو یقینی بنایا جا سکے۔