پاکستان آسٹریلیا ٹی20 سیریز: پہلا میچ موسم کی خرابی کی وجہ سے ٹاس تاخیر کا شکار

پاکستان کرکٹ ٹیم آسٹریلیا کے دورے پر جہاں ون ڈے کے بعد ٹی ٹوئینٹی سیریز کا پہلا میچ آج برسبین کے گابا سٹیڈیم میں ہونا ہے۔

موسم کی خرابی کی وجہ سے ٹاس تاخیر کا شکار ہو چکا ہے، گراؤنڈ کو ڈھانپ دیا گیا۔

محکمہ موسمیات کے مطابق برسبین میں گرج چمک کے ساتھ مختصر وقفے کی بارش متوقع ہے، جبکہ گراؤنڈ میں اس وقت بجلی کوند رہی ہے، گراؤنڈ سٹاف نے میدان کورز کی مدد سے ڈھانپ دیا ۔

ذرائع کے مطابق میچ 15 سے 30 منٹ تاخیر کا شکار ہو سکتا ہے، زیادہ تاخیر کی صورت میں میچ کو 14 اوورز تک محدود کیا جاسکتا ہے۔

اگر یہی صورت حال برقرار رہی تو میچ کو منسوخ کرکے برابر پوائنٹس دئیے جائیں گے۔