پاک انگلینڈ سریز: ملتان ٹیسٹ، پاکستان نے پہلے دن کے اختتام پر4 وکٹوں کے نقصان پر 328 رنز بنالیے
ملتان انٹرنیشنل کرکٹ اسٹیڈیم میں سریز کے پہلے میچ میں پہلے دن کے اختتام پر پاکستانی ٹیم نے 328رنز بنائے۔
عبداللہ شفیق، شان مسعود کی سنچریاں، عبداللہ شفیق 102، شان مسعود 151 سکور بنا کر سر فہرست، صائم ایوب 4 رنز بنا سکے، بابر اعظم 30، نسیم شاہ بنا کوئی رن بنائے اور سعود شکیل 35 رنز کے ساتھ کریز پر موجود
اس سے قبل ٹاس جیت کا پاکستانی کپتان شان مسعود نے پہلے بیٹنگ کا فیصلہ کیا تو صائم ایوب اور عبداللہ شفیق نےمحتاط انداز میں پاکستانی اننگ کا آغاز کیا، ابتدائی اوورز میں نپے تلے انداز میں سکورز میں اضافہ کرنے لگے۔
صائم ایوب نے تیسرے اوور کی آخری گیند پر سریز کا پہلا چکا لگایا، اور اور گس اٹنکسن کی گیند پر تیز شارٹ کھلینے کی کوشش میں جیمی سمتھ کے ہاتھوں کیچ آؤٹ ہوگئے۔ انہوں نے 10 گیندوں کا سامنا کرتے ہوئے 4 رنز بنائے، ان کی اننگ میں واحد چوکا ہی شامل تھا۔ آؤٹ فیلڈ سلو ہونے کے سبب کپتان شان مسعود نے عبداللہ شفیق کے ساتھ ملکر وکٹ بچاتے ہوئے سکور کارڈ آگےبڑھایا۔ 16 کے انفرادی سکور پر ڈیبیو کرنے والےبرائن کرسکی گیند پر شام مسعود ریویو کے ذریعے ایل بی ڈبلیو آؤٹ ہونے سے بچ گئے جس سے فائدہ اٹھاتے ہوئے انہوں نے اپنے کیرئیر کی پانچویں سنچری مکمل کی۔
32 اوورز میں 150 منٹ کی بیٹنگ میں مجموعی سکور 150 تک پہنچایا۔ کپتان شان مسعود نے اپنے کرئیر کی 5ویں سنچری مکمل کی، ان کی سنچری میں 10 چوکے 2 چھکے شامل تھے، جو انہوں نے 103 گیندوں کا سامنا کرتے ہوئے بنائی، بطور کپتان ان کی یہ پہلی سنچری تھی۔
دوسرے اینڈ عبداللہ شفیق نے بھی کپتان کا ساتھ دیتے ہوئے اپنی سنچری مکمل کی اور وکٹ کے چاروں اطراف خوبصورت شارٹس کھیلیں، دونوں بیٹرز کی یہ انفرادی طور پر پانچوں سنچری تھی۔ بیٹرز کی جانب سے بھی شاندار رننگ دیکھنے کو نظر ٹرپل رنز کی ہیٹرک مکمل کی، اور پارٹنرشپ کر طویل کرتے ہوئے انگلش باولرز اور فیلڈرز کو تگنی کا ناچ نچایا۔
60ویں اوور میں گس اٹنکسن کی گیند پر اولی پاپ نے ان کا کیچ تھاما، ان کی اننگز 182 گیندوں پر محیط تھی، انہوں نے 102 رنز بنانے کےلئے 10 چوکوں 2 چھکوں کا سہارا لیا، اور کریز پر 276 منٹس تک موجود رہے۔
عبدالللہ شفیق کے بعد کپتان شان مسعود زیادہ دیر وکٹ پر نہ ٹہر سکے اور 177 گیندوں پر 151 کے انفرادی سکور پر جیک لیچ نے اپنی گیند پر انکا کیچ پکڑا، ان کی اننگ میں 13 چوکے 2 چھکے شامل تھے۔
چوتھی وکٹ کی شراکت میں بابر اعظم اور سعود شکیل نے 61 رنز بنائے، بابر اعظم 71 گیندوں پر5 چوکوں کی مدد سے 30 رنز بنا کر ایل بی ڈبلیو آؤٹ ہوگئے، ان کی وکٹ کرس ووکس کے حصے میں آئی۔
پہلے دن 86 اوورز کا کھیل ہی ممکن ہوسکا، جس پر کھیل دوسرے دن تک موقوف کردیا گیا۔
انگلینڈ کی جانب سے گس اٹنکسن نے دو، کرس ووکس، جیک لیچ نے 1-1 وکٹ حاصل کی۔
