پاکستان بیس بال انڈر 12 کے ٹرائلز میچز کا اختتام ہوگیا
پاکستان فیڈریشن بیس بال کے زیر اہتمام مسلم سکول اینڈ کالج بہاولپور روڈ ملتان میں جاری ٹرائلز پریکٹس میچز کا سلسلہ اختتام پذیر ہوگیا۔
سید فخر شاہ سیکرٹری پاکستان بیس بال فیڈریشن کی زیر نگرانی جاری ان میچز میں بچوں نے بہترین کارکردگی کا مظاہرہ کیا، آخری پریکٹس میچ میں پاک گرین انڈر 12نے پاک یلیو انڈر 12 کو دس کے مقابلہ میں سات سکور سے شکست دی۔
فرقان فرحان گل فراز عادل خان عبدالوہاب حسن تنویر حارث ندیم عبداللٰلہ انجم احمد علی قریشی سلمان آصف حاذق خرم محمد علی رشید رانا محمد حذیفہ طلحہ بلال معاذ بلال اور حمدان احمد نے بہترین کھیل کا مظاہرہ کیا ۔
ٹرائلز پریکٹس میچز کے بعد تیس کھلاڑیوں کا انتخاب کیا گیا جن کا تربیتی کیمپ لگایا جائے گا اور کیمپ کے اختتام پر قومی ٹیم کا اعلان کیا جائے گا۔
دریں اثنا سید فخر شاہ نے چیف آرگنائزرمحمد جمیل کامران صدر ملتان ڈویژن بیس بال محمد آصف رشید پرنسپل مسلم کالج امتیاز تونسوی کا شکریہ ادا کیا کہ جنہوں نے پریکٹس ٹرائلز میچز کے لیے شاندار انتظامات کیے ۔
انہوں نے ٹیم منیجر بلال رانا اور کوچ محمد حسن جمیل کی کارکردگی کو بھی سراہا اور ان کی محنت کو قابل ستائش قرار دیا۔
ڈاریکٹر مسلم گروپ آف سکول اینڈ کالجز محمد سلیم تونسوی نے کہا کہ ہمارا ادارہ ہمیشہ سے کھیلوں کے فروغ کے لیے اپنا کردار ادا کرتا رہا ہے، ملتان میں بیس بال کے لیے ہماری خدمات حاضر ہیں نوجوانوں کو صحت مندانہ سرگرمیوں کی طرف مائل کرنا ہم سب کی ذمہ داری ہے۔
