پاکستان ساؤتھ افریقہ ٹی ٹوئینٹی سیریز؛ پاکستان کو 11 رنز سے شکست، میزبان ٹیم کو سیریز میں 3-1 سے برتری حاصل

ڈربن کے کنگزمیڈ اسٹیڈیم میں کھیلے گئے میچ میں ساؤتھ افریقہ ںے ٹاس جیت کر پہلے بیٹنگ کا فیصلہ کیا اور پاکستان کو جیت کیلئے 184 رنز کا ٹارگٹ دیا، جس کے جواب میں پاکستانی ٹیم 8 وکٹ کے نقصان پر مقررہ 20اوورز میں 172 رنز ہی بنا سکی۔

یہ بھی پڑھیں ۔
پاکستان ساؤتھ افریقہ ٹی ٹوئینٹی سیریز: پہلا میچ جیتنے کے لیے پاکستان کو 184 کا ہدف

ہدف کے تعاقب میں گرین شرٹس کی پہلی وکٹ 16 کے مجموعی سکور پر گری جب بابر اعظم بنا کوئی رن بنائے ماپھکا کا شکار بنے اور سیمیلیںن کے ہاتھوں کیچ آؤٹ ہوئے ۔

دوسری وکٹ کی شراکت داری میں 30 رنز بنے ، صائم ایوب 7 چوکے لگانے کے بعد 31 کے انفرادی سکور پر پویلین لوٹ گئے ، ان کی وکٹ بھی سیمیلیںن کے حصّے میں آئی۔

یہ بھی پڑھیں۔
پاکستان ساؤتھ افریقہ ٹی ٹوئینٹی سیریز ؛ ٹرافی کی رونمائی، دونوں کپتانوں کی خوشگوار ماحول میں گروپ فوٹو

عثمان خان 9 رنز بناکر جارج لنڈے کی بال پر برٹز کے ہاتھوں کیچ ہوگئے ۔ طیب طاہر 1چھکے 1 چوکے کی مدد سے 18 گیندوں پر 18 رنز بناکر بارٹمین کا شکار بنے۔

شاہین شاہ آفریدی 9 رنز بناکر وکٹوں کے پیچھے کیچ آؤٹ ہوئے، عرفان خان 1 رن بنانے کے بعد برٹز کے ہاتھوں کیچ آؤٹ ہوئے ، عباس آفریدی کھاتہ کھولے بغیر ایل بو ڈبلیو آؤٹ ہوئے، ان تینوں کی وکٹیں جارج لنڈے کے حصے میں آئی۔ یہ میچ کا 18واں اوور تھا، جس میں 3 وکٹیں گریں۔

محمد رضوان 62 گیندوں کا سامنا کرتے ہیں 74 رنز بنا پائے، اور ماپھکا کا شکار بن گئے، ان کی اننگ میں 3 چھکے اور 5 چوکے شامل تھے۔ حارث رؤف 2، سفیان مقیم 5 رن کے ساتھ ناٹ آؤٹ رہے ۔

یہ بھی پڑھیں ۔
چیمپئنز ٹرافی کے لئے ہر کسی کو ویلکم، نئے چیلنجز کے ساتھ T20 سیریز جیتنے کے لئے پر امید ہیں ، محمد رضوان

ساؤتھ افریقہ کی جانب سے جارج لنڈے نے 4، کوینا مپاکا 2 ، اوٹینیل بارٹمین ، انڈائل سیم لاین نے 1-1 وکٹ حاصل کی جبکہ 23 ایکسٹرا رنز دئے۔

اس سے قبل پہلا میچ جیتنے کے لیے پاکستان کو 184 کا ہدف ملا، ساؤتھ افریقہ کے ڈیوڈ ملر کی شاندار نصف سنچری، جارج لنڈے کے 48 رن کے ساتھ سر فہرست رہے۔

یہ بھی پڑھیں ۔
چیمپئنز ٹرافی2025: پی سی بی نے ہائبرڈ ماڈل تسلیم کرلیا، بھارتی اخبار کا دعویٰ

ڈربن کے کنگز میڈ اسٹیڈیم میں ساؤتھ افریقہ نے ٹاس جیت کر پہلے بیٹنگ کو ترجیح دی، اور مقررہ 20 اوورز میں 9 وکٹوں کے نقصان پر 183 رنز بنائے۔ ساؤتھ افریقہ کی جانب سے ڈیوڈ ملر 82، جارج لنڈے 48 ، کپتان ہنرچ کلاسن 12 رنز کے ساتھ نمایاں بلے باز رہے۔

ساؤتھ افریقہ نے بیٹنگ سٹارٹ کی تو اس کو پہلا نقصان 1 کے مجموعی سکور پر اٹھانا پڑا،جب ریسی وینڈر دوسان بنا کھاتہ کھولے شاہین آفریدی کی پر بولڈ آؤٹ ہوئے، ان کے بعد آنے والے میتھیو برٹز بھی زیادہ نہ چل سکے اور 1 چھکا لگانے کے بعد ابرار احمد کی گیند پر صائم ایوب کے ہاتھوں کیچ آؤٹ ہوگئے ۔

ریزا ہیںڈرکس اور ڈیویڈ ملر نے ملکر ٹیم کو مجموعے کو 28 تک پہنچایا تو ریزا ہیںڈرکس 8 کے انفرادی سکور پر ابرار احمد کا سامنا نہ کرسکے اور بولڈ آؤٹ ہوئے ۔

وکٹ کیپر بیٹسمین اور کپتان ہنرچ کلاسن نے ڈیوڈ ملر کے ساتھ چلنے کی کوشش کی مگر ناکام رہے اور 12 رنز بنانے کے بعد عباس آفریدی کی گیند پر عرفان خان نیازی کو کیچ تھما بیٹھے، ڈیوڈ ملر نے 28 گیندوں پر کیرئیر کی 8ویں ففٹی بنائی جس میں 5 چھکے اور 3 چوکے شامل تھے، مجموعی طور 12 باؤنڈریز لگائی جس مین 8 چھکے اور 5 چوکے تھے، 40 گیندوں پر 82 سکور بنانے کے بعد وہ شاہین آفریدی کا شکار بنے اور عرفان خان کو کیچ دے بیٹھے ۔ڈونووین فیریرا 7 ، انڈائل سیم لاین نے 1، نقبایومزی پیٹر 3 رن بناسکے اور شاہین شاہ آفریدی کے ہاتھوں ایل بی ڈبلیو آؤٹ ہوئے ۔

پاکستان کی جانب سے سفیان مقیم سب سے مہنگے بالر ثابت ہوئے، انہوں نے 4 اوورز میں 53 رنز دیکر جارج لنڈے کو بولڈ کیا جو 48 رنز پر بیٹنگ کر رہے تھے، آخری اوور میں 18 رنز بنے، ساؤتھ افریقہ کے 6 کھلاڑی ڈبل فگر میں داخل نہ ہوسکے۔

پاکستان کی جانب سے ابرار احمد، شاہین آفریدی نے 3-3 اور عباس آفریدی نے 2 جبکہ سفیان مقیم نے 1 کھلاڑی کو آؤٹ کیا ۔

سیریز کا دوسرا میچ سنچورین میں جمعہ کی شب کھیلا جائے گا ۔