دورہ زمبابوے: پاکستان کا پہلا ٹی ٹوئینٹی جیتنے کے لئے زمبابوے کو 166 کا ٹارگٹ
پاکستان نے ٹاس جیت کا پہلے بیٹنگ کا فیصلہ کیا، 4 وکٹ کے نقصان پر مقررہ 20 آورز میں 165 رنز بنائے
پاکستان کرکٹ ٹیم اس وقت زمبابوے کے دورے ہے جہاں ایک روزہ میچز کی سیریز کے بعد اب تین میچز پر مشتمل ٹی ٹوئینٹی سیریز کھیلی جارہی ہے۔
کوئنز کرکٹ کلب میں سیریز کے پہلے ٹی ٹوینٹی میچ میں پاکستان نے ٹاس جیت کا پہلے بیٹنگ کا فیصلہ کیا، اور مقررہ 20اورز میں 165 رنز بنائے ۔
عثمان خان اور طیب طاہر 39-39, عرفان خان 27 اور صائم ایوب 25 رنز کے ساتھ نمایاں بلے باز رہے۔
پہلے کھیلتے ہوئے پاکستان کو اس وقت نقصان اٹھانا پڑا جب 18 کے ٹیم اسکور پر عمیر یوسف 13 گیندوں پر 1 چھکے اور 1 چوکے کی مدد سے 16 رنز بنا کر رچرڈ نگراوا کی بال پر ولنگٹن مساکاڈزا کو کیچ دے بیٹھے ۔
دوسرے نمبر پر بیٹنگ کےلئے آنے والے عثمان خان نے صائم ایوب کے ساتھ ملک کر سکور کارڈ سنبھالا اور سکور کو 57 تک لے گئے۔
صائم ایوب نے 18 گیندوں کا سامنا کرتے ہوئے 24 رنز بنائے ، جس میں 2 چوکے اور 1 چھکا شامل تھا۔
91 کے مجموعی سکور پر وکٹ کیپر بیٹسمین عثمان خان بھی 30 گیندوں پر 39 سکور بناکر برل کا شکار بنے، انکا کیچ ولنگٹن مساکاڈزا نے تھاما، ان کی اننگ 2 چوکے اور 2 چھکوں سے مزین تھی۔
کپتان سلمان علی آغا بھی 19 گیندوں پر بنا کوئی باؤنڈری لگائے 13 رنز بناکر ہمت ہار گئے اور سکندر رضا کی گیند پر مئیرز کے ہاتھوں کیچ آؤٹ ہوگئے ۔
طیب طاہر کے 39 ، عرفان خان کے 27 رنز ناٹ آؤٹ کی بدولت گرین شرٹس 165 کا مجموعہ اسکور بورڈ پر تشکیل دینے میں کامیاب رہے۔
زمبابوے کی طرف سے رچرڈ نگراوا، سکندر رضا، ولنگٹن مساکاڈزا اور ریان برل نے 1ـ1 وکٹ حاصل کی۔
دونوں ٹیموں کے اسکواڈز:
صائم ایوب عمیر بن یوسف ، عثمان خان (وکٹ کیپر)، سلمان علی آغا (کپتان)، طیب طاہر، عرفان خان نیازی، جہاں داد خان، عباس آفریدی ، حارث رؤف ، ابرار احمد اور سفیان مقیم
زمبابوے:
برائن بینٹ، ریان برل، ٹریور گوانڈو، کلائیو میڈنڈے، مارومانی ، ٹیشنگا موسیکیوا، بلیسنگ موزاربانی ، رچرڈ نگراوا ، ڈائن مئیرز ، سکندر رضا اور ولنگٹن مساکاڈزا
