پاکستان چوتھے ٹی ٹوئنٹی بلائنڈ کرکٹ ورلڈکپ کا چیمپئین بن گیا، چیئرمین پی سی بی کی مبارک باد
بلائنڈ ٹی ٹوئینٹی ورلڈ کپ فائنل میں بنگلہ دیش کو 10 وکٹوں سے شکست، پاکستان نے 140 رنزکا ہدف بغیر کسی نقصان کے10.2 اوورز میں مکمل کرلیا۔
پاکستان کے کپتان نثارعلی نے. 72 اور محمد صفدر نے 47 اسکور کئے ۔
پاکستان نے پہلی بارٹی ٹوینٹی بلاننذ کرکٹ ورلڈ کپ کا ٹائٹل اپنے نام کیا ہے۔
پاکستانی ٹیم پورے ورلڈکپ میں ناقابل شکست رہی
پاکستان بلائنڈ کرکٹ کونسل کے چئیرمین سیدسلطان شاہ کی پاکستانی ٹیم اور پوری قوم کو ورلڈ کپ کی جیت پر مبارکباد۔
دریں اثنا چئیرمین پاکستان کرکٹ بورڈ محسن نقوی کی ٹی ٹوئنٹی ورلڈ کپ کا فائنل جیتنے پر پاکستان بلائنڈ کرکٹ ٹیم کو مبارکباد دی اور کہا کہ ٹیم کے کھلاڑیوں نے شاندار کھیل کا مظاہرہ کیا اور ٹی ٹوئنٹی ورلڈ چیمپئن کا اعزاز حاصل کیا، پورے ٹورنامنٹ میں بلائنڈ ٹیم کے کھلاڑیوں نے بہترین کھیل پیش کیا۔ تمام کھلاڑیوں مبارک باد کے مستحق ہیں۔
کپتان نثار علی اور محمد صفدر نے شاندار بیٹنگ کی اور فائنل میں فتح سمیٹی۔ پاکستان بلائنڈ کرکٹ ٹیم کی مینجمنٹ کو بھی مبارک باد دیتا ہوں۔ محسن نقوی
بلائنڈ کرکٹ ٹیم کے تمام کھلاڑیوں نےجذبے کے ساتھ محنت کی اور ٹی ٹوئنٹی ورلڈ کپ کا اعزاز جیتا، امید ہے کہ بلائنڈ کرکٹ ٹیم مستقبل میں بھی اسی جذبے سے کھیلے گی اور مزید کامیابیاں حاصل کرے گی۔
