پاکستانی خاتون وکیل نے ویانا جسٹیشیا ایوارڈ جیت لیا

لاہور سے تعلق رکھنے والی خاتون وکیل ندا عثمان نے اپنے سماجی رابطے کی ویب سائٹ پر تصدیق کرتے ہوئے کہا ہے کہ 17 ممالک سے 80 خواتین وکلاء کو اس ایوارڈ کیلئے نامزد کیا گیا، جس میں سے ان سمیت 12 خواتین جولائی 2021 میں منتخب ہوئیں، وہ جنوبی ایشیا سے منتخب ہونے والی واحد خاتون تھیں۔
انہوں نے کہا کہ 10 ستمبر کو ویانا میں ایوارڈز کی آن لائن تقریب ہوئی، جس میں جسٹیشیا ایوارڈ ملنا بہت بڑا اعزاز ہے، انہوں نے یہ اعزاز پاکستان کے نام کیا ہے۔
ندا عثمان کا کہنا تھا کہ وہ کئی برسوں سے ایک تنظیم کے تحت پاکستانی خواتین وکلاء کے لیے کام کر رہی ہیں، ان خدمات کے عوض انہیں یہ ایوارڈ ملا۔