پاکستانی طلباء انفارمیشن اینڈ کمیونیکیشنز ٹیکنالوجی کے مقابلے میں شرکت کرینگے

پاکستان کے طلباء کو بین الاقوامی ڈیجیٹل ترقی میں فعال کردار ادا کرنے کا موقع فراہم کرنے کے لیے یونیسکو اور ہواوے نے 25-2024 کے بین الاقوامی آئی سی ٹی مقابلے کے لیے درخواستیں طلب کر لی، جس پر ہائر ایجوکیشن کمیشن نے یونیورسٹیوں اور کالجوں کے طلباء سے درخواستیں جمع طلب کرلیں۔

درخواستیں جمع کرانے کی آخری تاریخ 18 اکتوبر ہے یہ عالمی مقابلہ ایڈوانس ڈیجیٹل لرننگ کی ترقی، اکیڈیمیا اور صنعتی تعاون کو فروغ دینے کیلئے منعقد کیا جاتا ہے۔

ہر سال انفارمیشن اینڈ کمیونیکیشنز ٹیکنالوجی (آئی سی ٹی) کے طلباء کو اس مقابلے میں شامل کیا جاتا ہے تاکہ وہ عالمی سطح پر اپنی مہارتوں کا لوہا منوا سکیں اور جدید ٹیکنالوجیز میں حصہ لے سکیں۔