زکریا یونیوسٹی میں پی سی آر لیبارٹری کا قیام

بہاء الدین زکریایونیورسٹی ملتان کے شعبہ فارمیسی میں پی سی آر لیباٹری جدید سائنسی تقاضوں کے مطابق قائم کر دی گئی ہے۔
پی سی آر لیباٹری کا افتتاح وائس چانسلر پروفیسر ڈاکٹر منصور اکبر کنڈی نے کیا۔
اس موقعہ پر ڈین فیکلٹی آف فارمیسی پروفیسر ڈاکٹر محمد عزیر نے بریفنگ دیتے ہوئے بتایا کہ جدید پی سی آر لیبارٹری کے قیام کا مقصد طلباء کو سائنٹیفک تکنیکوں سے روشناس کرانا ہے۔ مالیکیولر اور فارماکالوجی کی ریسرچ کو فروغ دینا ہے، اس لیبارٹری کو بوقت ضرورت معاشرے کی باقی طبی ضروریات مثلاً کووڈ 19 کی تشخیص کے لیے بھی استعمال کیاجاسکتا ہے۔ جہاں پر اساتذہ و طلباء اور عوام کے لیے معیاری رزلٹ نہایت ہی ارزاں نرخوں پر دستیاب ہوں گے۔
اس موقعہ پر چیئرمین شعبہ فارماکالوجی ڈاکٹر محمد عمران ، فیکلٹی ممبران و دیگر موجود تھے۔