ایم این ایس زرعی یونیورسٹی میں گرین یوتھ موومنٹ سوسائٹی کے تحت توانائی کے تحفظ اور شجرکاری مہم کا آغاز
نوجوان ملک کے مستقبل کی محرک قوت ہیں، اور پاکستان کی آبادی میں ان کا نمایاں حصہ ہے۔
نوجوانوں کی تربیت انہیں خوشحال اور بیدار پاکستان کے لیے پرجوش بنانا حکومت اور اعلی تعلیمی اداروں کی ذمہ داری ہے۔
وزیراعظم پاکستان کے ویژن کے مطابق ایم این ایس زرعی یونیورسٹی ملتان نے ملک کی مستقبل کی افرادی قوت میں مثبت توانائی اور حوصلہ افزائی کے لیے گرین یوتھ موومنٹ سوسائٹی قائم کی۔
جس کا افتتاح وائس چانسلر پروفیسر ڈاکٹر آصف علی (تمغہ امتیاز)نے کیا۔
اس موقع پر انہوں نے کہا کہ یہ ہماری ذمہ داری ہے کہ ہم اپنے نوجوانوں کو چیلنج کریں، اور انہیں صحیح سمت میں شامل کریں۔
اس قسم کا معاشرہ کردار سازی، تناؤ کو کم کرنے اور طلباء کو قوم کی تعمیر میں شامل کرنے میں اہم کردار ادا کرتا ہے۔
انہوں نے مزید کہا کہ جامعہ زرعیہ ملتان کو ان کی طاقت اور جذبے کے مطابق شامل کرنے کے لئے بہت سے پلیٹ فارم مہیا کرتی ہے۔
ڈاکٹر شازیہ حنیف نے بتایا کہ گرین یوتھ موومنٹ سوسائٹی کے پانچ موضوعاتی لیڈز ہیں، اور جامعہ زرعیہ نے انرجی کنزرویشن ڈرائیور اور پلانٹیشن ڈرائیو کا انتخاب کیا ہے۔
اس سوسائٹی میں ایک انتہائی حوصلہ افزا ٹیم ہے ، اس سوسائٹی نے توانائی کے تحفظ اور شجرکاری مہم کے تحت دو سرگرمیوں کا انعقاد کیا۔
توانائی کے تحفظ کی سرگرمی کے تحت،انرجی لیڈز۔جس میں زراعت میں سولر تھرمل اور سولر پی وی کا استعمال بتایا گیا۔
یہ بھی بتایا گیا کہ توانائی کا تحفظ اور صاف اور سبز توانائی کا استعمال اقوام متحدہ کا ساتواں پائیدار ترقی کا ہدف ہے۔
ڈاکٹر مقرب علی نے کہا کہ ہم اپنے طلباء کو انرجی آڈٹ،توانائی کے تحفظ کی تعمیر، لوڈ کیلکولیشن اور سولر سسٹم کی ڈیزائننگ اور انسٹال کرنے کے بارے میں تربیت دیں گے، یہ ماسٹر ٹرینرز کمیونٹی میں آگاہی سیمینار منعقد کریں گے۔
آخر میں طلباء و طالبات نے شجرکاری کی مہم میں بھرپور حصہ لیا۔
اس موقع پر ڈاکٹر شکیل احمد،ڈاکٹر عابد،ڈاکٹر محسن خان،ڈاکٹر بلال اور ڈاکٹر عثمان رانا سمیت دیگر فکلٹی اور طلبہ و طالبات کی کثیر تعداد موجود تھی۔
