وزیراعظم اور آرمی چیف کی اہم ملاقات

وزیراعظم عمران خان اور آرمی چیف جنرل قمرجاوید باجوہ کی اہم ملاقات ہوئی ہے۔

وزیراعظم عمران خان سے پرائم منسٹر ہاؤس میں آرمی چیف کی ملاقات ہوئی ، جس میں ملکی اندرونی و بیرونی سیکیورٹی صورتحال سےمتعلق امور کا جائزہ لیا گیا۔

ملاقات میں پاک فوج کے پیشہ ورانہ امور سے متعلق بھی تبادلہ خیال کیا گیا۔

چند روز قبل 28 فروری کو بھی وزیراعظم سے آرمی چیف کی ملاقات پرائم منسٹر ہاؤس میں ہوئی، جس میں پاک فوج کے پیشہ ورانہ امور پر تبادلہ خیال کیا گیا جب کہ ملکی سلامتی، سیکیورٹی اور امن و امان کی صورتحال پر بھی گفتگو ہوئی۔

14 فروری کو وزیراعظم اور آرمی چیف کی ون آن ون ملاقات ہوئی تھی ، جس میں قومی سلامتی اور علاقائی صورتحال پر تبادلہ خیال ہوا تھا۔