پی ایم ڈی سی نے ایم ڈی کیٹ کے لئے سوالیہ بینک قائم کر دیا
پاکستان میڈیکل اینڈ ڈینٹل کونسل نے بڑا اقدام کرتے ہوئے ایم ڈی کیٹ کیلئے سوالنامہ بینک متعارف کرادیا، جو ایک متفقہ نصاب پر مبنی ہے۔
پی ایم اینڈ ڈی سی حکام کے مطابق ادارے کے نظام کو ٹیکنالوجی بیسڈ پلیٹ فارمز پر منتقل کیا جا رہا ہے تاکہ طالب علموں کی رجسٹریشن، مانیٹرنگ اور کالج انسپکشن جیسے کلیدی عمل میں انسانی مداخلت کو کم کیا جا سکے۔
اس اقدام کا مقصد شفافیت اور کارکردگی میں بہتری لانا ہے رجسٹریشن اور نگرانی کونسل کے ذمے ہوگی، تاہم پرچہ تیار کرنے، امتحان لینے اور اس کی مارکنگ کا عمل سرکاری جامعات انجام دیں گی تاکہ غیر جانبداری کو یقینی بنایا جا سکے۔
نیا تیار کردہ ایم ڈی کیٹ سوالنامہ بینک ایک متفقہ نصاب پر مبنی ہے، جس پر تمام صوبوں نے اتفاق کیا ہے۔ اس سے غلطیوں میں کمی اور علاقائی خدشات کا ازالہ ہوگا جبکہ طلباء کو یکساں معیار پر تیاری کا موقع ملے گاو۔
اضح رہے کہ اب تک 97 ہزار سے زائد طلبہ امتحان کے لیے رجسٹریشن کروا چکے ہیں اور یہ تعداد رجسٹریشن کی آخری تاریخ تک 1 لاکھ 50 ہزار تک پہنچنے کا امکان ہے، ملک بھر میں امتحان کے لیے 30 مراکز مختص کیے گئے ہیں۔
