پی ایم ایس کے لئے عمر کی حدمیں دو سال کی رعایت ملنے کا امکان

پنجاب مینجمنٹ سروس کا امتحان دینے والوں کو عمر میں دوسال کی رعایت ملنے کا امکان پیدا ہوگیا ۔

بتایاگیا ہے کہ وزیر اعلیٰ عثمان بزدار نے پی ایم ایس کا امتحان دینے والے امیداواران کو دو سال کی عمر میں رعایت دینے کا عندیہ دے دیا۔

کیبنٹ کمیٹی برائے قانون سازی نے پی ایم ایس کا امتحان دینے والوں کو عمر میں ایک سال کی رعایت کی سفارش کی تھی۔

وزیر اعلیٰ پنجاب نے یہ سمری واپس کر دی، اور زبانی کہا ہے کہ یہ مدت دو سال کی جائے ، جس کے بعد عمر میں رعایت بڑھنے کا امکان پیدا ہوگیا ہے ۔