پاپولیشن ویلفیئر ڈیپارٹمنٹ کی ماہانہ کارکردگی رپورٹ خوش آئند قرار

ضلعی رابطہ کمیٹی برائے پاپولیشن ویلفئیر ملتان کا ماہانہ جائزہ اجلاس گزشتہ روز ڈپٹی کمشنر آفس ملتان میں منعقد ہوا، جس کی صدارت میاں رضوان نذیر (ADC(G ملتان نے کی۔

اجلاس میں سیکرٹری کمیٹی آفتاب احمد اعوان ، ڈاکٹر عفت عمر بچہ ، ڈاکٹر فاروق ۔ عبد الوحید سمیت کمیٹی ممبران نے بھرپور شرکت کی ڈاکٹر عفت عمر نے پاپولیشن ویلفیئر ڈیپارٹمنٹ کی ماھانہ کارکردگی رپورٹ پیش کی، اور آئندہ کے لائحہ عمل کے بارے میں صدر کو آگاہ کیا ۔

ڈسٹرکٹ پاپولیشن ویلفیئر آفیسر آفتاب احمد اعوان نے پاپولیشن ڈیپارٹمنٹ کے ساتھ علماء اکرام، سرکاری اداروں اور این جی اوز کا تعاون کے بارے میں بتاتے ھوئے کہا کہ پاپولیشن ویلفیئر سرکاری اداروں کا مکمل تعاون حاصل ہے۔

علماء اکرام فیملی پلاننگ کے پیغام کو لوگوں تک پہنچانے میں اہم کردار ادا کر رہے ہیں، ڈینگی آگاہی بارے میں پاپولیشن ویلفیئر ڈیپارٹمنٹ کی کارکردگی کو صدر نے سراہا ۔

انھوں نے کہا کہ علماء اکرام کے تعاون سے فیملی پلاننگ کے کام میں آسانی پیدا ھو گی، مزید انھوں نے کہا کہ محکمے ایک دوسرے کے ساتھ باہمی تعاون کو یقینی بنائیں۔