پنجاب پبلک سروس کمیشن نے 31 اکتوبر کو ہونے والے امتحانات ملتوی کرنے کا نوٹیفیکیشن جاری کر دیا

صوبے بھر میں مذہبی جماعت کے احتجاج کے باعث حکومت نے مختلف اضلاع میں کنٹینرز لگا کر روڈ بلاک کر رکھے ہیں ، جس کی وجہ سے اکتیس اکتوبر کو تحصیلدار کے امتحانات میں امیدواروں کا امتحانی مراکز تک پہنچنا ناممکن تھا جس کو مدنظر رکھتے ہوئے پنجاب پبلک سروس کمیشن نے لاء اینڈ آرڈر کے باعث امتحانات ملتوی کر دیئے۔

تحصیلدار کی بھرتیوں کے لیے امتحان 31 اکتوبر کو شیڈول کیا گیا تھا جس کی ملتوی کا نوٹیفیکیشن جاری کر دیا گیا ہے ۔

پی پی ایس سی کے مطابق امتحان میں ایک لاکھ سے زائد امیدواروں نے حصہ لینا تھا جو اب تازہ ترین صورتحال جاننے کے لیے پی پی ایس سی کی ویب سائٹ سے بھی معلومات لے سکتے ہیں۔