سدرن پنجاب کرکٹ ایسوسی ایشن کے زیراہتمام انضمام الحق ہائی پرفارمنس سینٹر ملتان میں پریکٹس سہولت کا اغاز
اب سدرن پنجاب کرکٹ ایسوسی ایشن کی زیرنگرانی جنوبی پنجاب سے تعلق رکھنے والے تمام لیول کے ایسے کرکٹرز استفادہ کرسکیں گے کہ جنہوں نے پچھلے دو برس کے دوران سدرن پنجاب کی نمائندگی کا اعزاز حاصل کیا ہے۔
اس کیٹیگری پر پورا اترنے والے کرکٹرز پاکستان کرکٹ بورڈ کی ملتان سٹیڈیم کی حدود میں قائم انضمام الحق ہائی پرفارمنس کرکٹ اکیڈمی میں پریکٹس کر سکیں گے۔
اس سلسلے میں سدرن پنجاب کرکٹ ایسوسی ایشن کے زیراہتمام باقاعدہ افتتاحی تقریب 26جولائی بروز منگل کو منعقد ہو گی۔
اکیڈمی میں قومی کھلاڑیوں کے علاوہ جنوبی پنجاب کی تمام سٹی کرکٹ ایسوسی ایشن کے ایسے کرکٹرز تربیت حاصل کرنے کے اہل ہوں گے کہ جنہوں نے پچھلے دو برسوں کے دوران سدرن پنجاب کرکٹ ایسوسی ایشن کی سینئر جونیئر ۔ انڈر 13۔انڈر 16 یا انڈر 19 ٹیموں کی نمائندگی کا اعزاز حاصل کیا یے۔
انضمام الحق ہائی پرفارمنس سنٹر میں پریکٹس کیلئے باؤلنگ مشین سمیت دیگر بہترین سہولیات مہیا کی جائیں گی۔
نیٹ پریکٹس کا شیڈول 26جولائی کو افتتاحی تقریب کے موقع پر جاری کردیا جائے گا۔
