سرکاری کالجز میں پرنسپلز کی تعیناتی بڑا مسئلہ بن گئی

ہائیر ایجوکیشن پنجاب کے پورٹل پر پرنسپلز کی خالی آسامیوں پر تعیناتی کے لیے درخواستیں دینے کی تاریخ میں ایک مرتبہ پھر توسیع کر دی گئی، اب ان آسامیوں پر تیس ستمبر 2024 تک درخواستیں وصول کی جائیں گی۔

ذرائع کے مطابق یہ تیسری مرتبہ توسیع کرنے کی وجہ پرنسپل بننے میں پروفیسر ز کی عدم دلچسپی ہے، انرولمنٹ کے ایشو پر موجودہ اعلیٰ افسران نے پرنسپلز کے ساتھ جو سلوک روا رکھا، بد سلوکیوں و بدتمیزیوں کے جو واقعات منظر عام پر آئے، جس کی وجہ سے اساتذہ دلبردشتہ ہیں جبکہ سیاسی مداخلت کی وجہ سے بھی پرنسپلز کو تنہا چھوڑ دیا ہے۔

مضافاتی کالجوں میں ترقیاں روکی ہوئی ہیں، ان عوامل کے پیش نظر اساتذہ پرنسپلز بننے سے گریزاں ہیں اور مطلوبہ تعداد میں درخواستیں نہ آنے پر بار بار درخواستیں وصول کرنے کی تاریخ میں توسیع کرنا پڑ رہی ہے۔