کمشنرز بنے تعلیمی بورڈز کے چیئرمین

پنجاب کے چھ تعلیمی بورڈز کا چارج کمشنرز کو دے دیاگیا ۔

اس سلسلے میں جاری مراسلے میں کہا گیاہے کہ صوبے پنجاب کے چھ تعلیمی بورڈز میں مستقل چیئرمینوں  کی تعیناتی کا عمل جاری ہے۔

اس دوران متعلقہ ڈویژن کے کمشنرز کو چیئرمین کا اضافی چارج دیا جاتا ہے ۔

بہاولپور ، ڈی جی خان ، فیصل آباد ، گوجرانوالہ ، ساہیوال اور سرگودھا بورڈ کے چیئرمینوں کی ذمے داریاں نبھانے پر کمشنر کو ماہانہ 50ہزا ر روپے مشاہرہ دیا جائے گا۔