مرد اساتذہ کی تدریس پر پابندی عائد

پنجاب ایجوکیشن فاؤنڈیشن نے اپنے پارٹنر سکولوں میں زیرِ تعلیم لڑکیوں کے لیے اہم فیصلہ کرتے ہوئے ہائی اور ہائیر سیکنڈری جماعتوں میں مرد اساتذہ کی تدریس پر پابندی عائد کر دی ہے۔

پیف نے سکول انتظامیہ کو ہدایت جاری کی ہے کہ لڑکیوں کے سکولوں میں صرف خواتین اساتذہ تعینات کی جائیں اور مرد اساتذہ کی تعیناتی سے متعلق سخت پالیسی پر عمل درآمد یقینی بنایا جائے۔

پیف حکام کا کہنا تھا کہ مرد اساتذہ کی موجودگی سے طالبات کے تعلیمی ماحول پر منفی اثرات مرتب ہو رہے تھے، میل ٹیچرز کی تعیناتی پر سخت کاروائی کی جائے گی۔

یہ فیصلہ طلباء کے بہتر تعلیمی ماحول کو مدنظر رکھتے ہوئے کیا گیا ہے، پیف نے تمام پارٹنر سکولوں کو فوری طور پر میل ٹیچرز ہٹانے اور نئی پالیسی کے مطابق تعیناتی کرنے کی ہدایت بھی جاری کر دی ہے۔