پنجاب ایجو کیشن فاؤنڈیشن نے سکول مالک کے لئے کم سے کم تعلیمی قابلیت کی شرط عائد کردی

پیف نے سکول مالک کے انتقال کی صورت میں اسکول ملکیت کیلئے نامزد قانونی وارث یا پر نسپل کی کم از کم تعلیمی قابلیت کی شرط عائد کردی۔

جاری مراسلے میں کہا گیا ہے کہ تمام پیف اسکول مالکان کو مطلع کیا جاتا ہے کہ نئی پالیسی کے تحت اسکول مالک کے انتقال کی صورت میں اسکول ملکیت کے لیے نامزد قانونی وارث کی تعلیمی قابلیت کم از کم 14 سالہ ہونی چاہئے۔

تاہم نامزد قانونی وارث کی تعلیمی قابلیت 14 سالہ نہ ہونے کی صورت میں ان پر لازم ہوگا کہ وہ کم از کم 14 سالہ تعلیمی قابلیت کے حامل شخص کی اسکول پرنسپل کے طور پر فی الفور تعیناتی کو یقینی بنائیں۔