تنخواہوں میں کمی کا نوٹس

پنجاب ایجوکیشن فاونڈیشن نے پنجاب سکولز ریفارم پروگرام کے تحت آؤٹ سورس ہونے والے سکولوں میں کم تنخواہوں کانوٹس لے لیا، متعدد سکولوں کو شوکاز جاری کردئیے گئے ۔

تفصیل کے مطابق پیف نے آوٹ سورس ہونے والے سکولوں مقررہ تنخواہیں دینے کی ہدایت کی تھی مگر شکایات موصول ہونا شروع ہوئیں کہ ان سکولوں میں اساتذہ کو مقررہ تنخواہیں نہیں دی جارہی ہیں، جس پر متعدد سکولوں کو شوکاز جاری کردئیے گئے ہیں۔

جاری مراسلے میں کہا گیا ہے کہ آپ کو ہدایت کی گئی تھی کہ پیف کی مقررہ کردہ تنخواہیں ہی اساتذہ اور عملے کو دی جائیں گی مگر مانیٹرنگ ٹیموں نے رپورٹ کیا کہ ان سکولوں میں مقررہ تنخواہوں سے کم ادائیگی کی جارہی ہے، اس لئے فوری جواب دیاجائے ورنہ آپ کا لائسنس منسوخ کردیا جائے گا۔