پنجاب ٹیچرز یونین کا قافلہ آج اسلام آباد روانہ ہوگا

پنجاب ٹیچرز یونین کے زیر اہتمام اساتذہ کے حقوق کے سلسلے میں کل 10 فروری کو پارلیمنٹ ہاؤس کے سامنے احتجاجی دھرنے میں شرکت کے لیے پی ٹی یو کے سینئر نائب صدر پنجاب رانا الطاف حسین اور دیگر اساتذہ رہنماؤں کی قیادت میں قافلے آ ج 9 فروری بروز بدھ اسلام آباد کے لیے روانہ ہو ں گے ۔

اس سلسلے میں پنجاب ٹیچرز یونین کے سینئر نائب صدر پنجاب رانا الطاف حسین نے کہا ہے کہ وفاقی و صوبائی حکومت نے اساتذہ کے تحفظات دور نہ کئے تو پھر جگہ جگہ احتجاج ہوگا۔

اسی لئے نیازی حکومت اساتذہ کودرپیش مسائل کے حل کو حقیقی معنوں میں یقینی بنائے اور بڑھتی ہوئی مہنگائی،یوٹیلیٹی بلز،پٹرولیم مصنوعات اور اشیائے ضروریہ کی قیمتوں میں اضافے کے پیش نظر تنخواہوں اور پنشن میں سو فیصد اضافہ کو یقینی بنائے۔

انہوں نے کہا کہ ملتان سمیت جنوبی پنجاب سے ہزاروں اساتذہ آ ج اسلام آباد کے لیے روانہ ہوں گے۔