قمر الزمان چوہدری کا یوم وفات آج منایا جائے گا

ایم ایس او پاکستان کے تاسیسی رکن قمر الزمان چوہدری مرحوم کی خدمات کو خراجِ عقیدت پیش کرنے کے لیے آج 23 نومبر کو ملک بھر کی جامعات میں ان کا یومِ وفات منایا جائے گا، قمر الزمان چوہدری 23 نومبر 2015 کو وفات پا گئے تھے۔

قمر الزمان چوہدری نے ایم ایس او پاکستان کے قیام، تنظیمی ڈھانچے کی تشکیل اور فکری بنیادوں کے استحکام میں بنیادی کردار ادا کیا۔ طلبہ کی اخلاقی، فکری اور نظریاتی تربیت کے لیے ان کی خدمات کو تنظیم آج بھی رہنما اصول کے طور پر تسلیم کرتی ہے۔

ایم ایس او پاکستان، کا شمار ملک کی فعال ترین طلبہ تنظیموں میں ہوتا ہے، ملک بھر کی یونیورسٹیوں اور کالجز میں امر بالمعروف و نہی عن المنکر کے فریضے کے فروغ کے لیے کام کر رہی ہے۔