زکریا یونیورسٹی کے رجسٹرار سیٹ بچانے کےلئے ٹیچرز گروپ کے سربراہ کے پاس پہنچ گئے

زکریا یونیورسٹی کے رجسٹرار ڈاکٹر علیم خان کوتبدیل کرنے کے دباؤ میں اضافہ ہوگیا، جس سے نکلنے کے لئے وہ ایک گروپ کے سربراہ کے پاس پہنچ گئے ۔

ذرائع کے مطابق رجسٹرار ڈاکٹر علیم خان نے اس پروفیسر کے دفتر میں ساڑھے تین گھنٹے گزارے ،وہ انہیں قائل کرتے رہے ہیں ان کی رجسٹرار شپ کو بچایا جائے، وہ تین ماہ بعد ریٹائرڈ ہورہے ہیں اس لئے کم سے کم اس وقت تک بطور رجسٹرار کام کرنے دیا جائے۔

ذرائع کادعویٰ ہے کہ متعلقہ افسر و ٹیچر نے فوری طورپر کسی بھی قسم کی مدد کرنے کی انکار کر دیا ہے۔