زکریا یونیورسٹی : رجسٹریشن برانچ کو چھٹی کے باوجود آج طلب کرلیا گیا

گذشتہ روز ایمپلائز یونین کے عہدیداروں کی تقریب حلف برداری تھی، روایت کے مطابق تقریب حلف برداری کے اگلے روز ملازمین کی چھٹی ہوتی ہے یہ روایت کئی عشروں سے چلی آرہی ہے اس لئے آج بھی چھٹی کااعلان کیاگیا مگر رجسٹرارآفس نے رجسٹریشن برانچ کے تمام ملازمین اور افسروں کی چھٹی منسوخ کردی۔

اس سلسلے میں پی ایس رجسٹرار نے مراسلہ جاری کیا ہے کہ رجسٹرار کے حکم پر تمام برانچ کے افسروں اور ملازمین کو ہدایت کی جاتی ہے کہ وہ آج 8نومبر کو ڈیوٹی پر حاضر ہوں گے۔

جس پر ملازمین میں شدید اضطراب پایا جاتا ہے، انہوں نے وائس چانسلر سے فوری ایکشن لینے کی اپیل کی ہے کہ وہ چھٹی کو یقینی بنائیں ۔