صفدر خان لنگاہ زکریا یونیورسٹی کے خزانہ دار رہیں گے

گورنر پنجاب نے زکریا یونیورسٹی کے خزانہ دار کےلئے صفدر خان کے نام کی توثیق کردی، وہ تین ماہ خزانہ دار کے فرائض سرانجام دیتے ر ہیں گے۔
زکریا یونیورسٹی میں مستقل خزانہ دار نہ ہونے کی وجہ سے ڈپٹی رجسٹرار صفدر خان قائم مقام خزانہ دار کی حیثت سے کام کررہے تھے، ان کی مدت پوری ہونے پر گورنر پنجاب چانسلر نے ان کو مزید تین ماہ کےلئے خزانہ دار کا چارج دیکر کام کرنے کی ہدایت کردی ہے، جاری احکامات کے مطابق ان کی مدت یکم ستمبر سے 30نومبرتک ہوگی ۔