محکمہ سکولز نے قائد اکیڈمی کے اساتذہ اور افسروں کے تبادلے پر پابندی لگادی

سیکرٹری سکولز نے سکول انفارمیشن سسٹم کے ذریعے قائد اکیڈمی کے اساتذہ اور افسروں کے تبادلے پرپابندی لگادی ۔

جاری مراسلے میں کہاگیا ہے کہ قائد اکیڈمی کےلئے الگ سے اکاونٹس قائم کردیاگیا ہے، اس لئے سکولز کے تبادلے والے پورٹل سے ان کے تبادلے نہ کئے جائیں ، جبکہ قائد اکیڈمی کے تبادلے اب سلیکشن کمیٹی کے بغیر نہیں ہوں گے ۔

جبکہ فوکل پرسن کیو آر کوڈ کا حامل ہوگا، علاوہ قائداکیڈمی کی طرف سے کیو آر کوڈ کےلئے درخواست جائے گی ، اس وقت ایڈیشنل سیکرٹری کیو آر کوڈ جاری کرے گا ۔

جبکہ قائد اکیڈمی کے حکام کو سس پر 5 آپشن تک رسائی بھی دی گئی ہے ، جس میں کیو آر کوڈ تبادلوں کےلئے ، تمام اساتذہ کے ڈیٹا، تمام اساتذہ کے ڈیٹا کو ڈاون لوڈ کرنے کی سہولت اور انرول ہونے والے طلبا کی تفصیل اور ان کو ڈاون لوڈ کرنے کی سہولت شامل ہیں ۔