سرکاری اور نجی سکولوں میں طلباء کے موبائل فون استعمال کرنے پر پابندی عائد

محکمہ سکول ایجوکیشن نے سرکاری اور پرائیویٹ سکولوں میں طلباء کے موبائل فون استعمال کرنے پر پابندی عائد کر دی گئی ہے۔

بتایا گیا ہے کہ محکمہ سکولز نے طلباء پر موبائل فون استعمال کرنے کی پابندی لگادی، جاری مراسلے میں کہا گیا ہے کہ تمام سکول فوری طور پر پابندی پر عملدرآمد یقینی بنائیں گے۔

طلباء کو ہم نصابی اور شخصیت سازی سے متعلق سرگرمیوں میں بھرپور شرکت کی ترغیب دینے کی ہدایت بھی کی گئی ہے تاکہ ان کی ذہنی و سماجی نشوونما بہتر ہو سکے۔

مراسلہ پنجاب اسمبلی میں منظور کی گئی قرارداد کی روشنی میں جاری کیا گیا ہے، جس کا مقصد تعلیمی ماحول کو بہتر بنانا اور طلباء کو غیر ضروری موبائل استعمال سے دور رکھنا ہے۔