نویں اور دسویں جماعت کے نتائج معیار سے کم ہونے پر رپورٹ طلب

سکول ایجوکیشن ڈیپارٹمنٹ پنجاب نے نویں اور دسویں جماعت کے نتائج معیار سے کم ہونے پر رپورٹ طلب کرلی۔

ذرائع کے مطابق میرٹ پر تعینات ہیڈ ٹیچرز سے تفصیلی رزلٹ رپورٹ مانگی گئی ہے۔

متعلقہ سی ای اوز کو ہدایت کی گئی ہے کہ فوری طور پر تفصیل فراہم کریں، ہیڈ ٹیچر کی حیثیت سے مجموعی سکول رزلٹ جمع کرانا لازمی ہوگا، جب کہ بطور ٹیچر خدمات پر مضمون وار نتائج بھی فراہم کیے جائیں۔

تمام رپورٹس ای میل کے ذریعے بھجوائی جائیں اور اس حوالے سے سخت مانیٹرنگ کی جائے گی۔