سکولوں کی مانیٹرنگ کا سسٹم تیار نہ ہوسکا، اساتذہ کی حاضری اور جعلی انرولمنٹ روکنے کے دعوے دھرے رہ گئے

محکمہ سکولز کا اساتذہ کی حاضری اور جعلی انرولمنٹ کی روک تھام کے لیے متعارف کرایا جانے والا مانیٹرنگ سسٹم تا حال صرف اعلانات تک محدود ہو کر رہ گیا۔

محکمہ اسکول ایجوکیشن نے دو ماہ قبل اسکولوں میں خصوصی کیمرے نصب کرنے کا اعلان کیا تھا جن کی مدد سے طلباء اور اساتذہ کی فیس ریکیگنیشن کے ذریعے حاضری کی تصدیق کی جانی تھی۔

اس منصوبے کے تحت کیمرے اسکولوں کے داخلی راستوں پر نصب کیے جانے تھے تاکہ حاضری کا درست ریکارڈ مرتب کیا جا سکے۔

حکام کا کہنا تھا کہ کیمروں کی مدد سے روزانہ کی رپورٹ محکمہ کو بھیجی جائے گی۔

خاص طور پر شہروں سے دور اسکولوں میں ایسے واقعات رپورٹ ہو رہے تھے جہاں اساتذہ اپنی جگہ پرائیویٹ افراد کو ڈیوٹی پر مامور کر کے غیر حاضر ہو رہے تھے۔

حکام کا کہنا ہے کہ جعلی انرولمنٹ اور اُساتذہ کی مانیٹرنگ کے منصوبے پر کام جاری ہے جیسے ہی فنڈز دستیاب ہوں گے اور اسکولوں میں کیمرے نصب کر دیے جائیں گے۔