پنجاب بھر کے 48 ہزار سکولوں کو تین ارب 73 کروڑ کا نان سیلری بجٹ جاری

محکمہ سکولز نے آخرکار سکولوں کی مشکلات کا احساس کرتے ہوئے نان سیلری بجٹ کی پہلی قسط جاری کردی ۔

جاری مراسلے کے مطابق صوبے بھر کے سکولوں کے لئے این ایس بی کے مد میں تین ارب 73 کروڑ روپے جاری کئے ہیں ۔

تمام سی ای اوز کو ہدایت کی گئی ہے کہ وہ اپنے اضلاع کے سکولوں میں فنڈز کو ٹرانسفر کریں، اور اس بات کو یقینی بنائیں کہ جو اخراجات کئے جائیں وہ قانون اور مقررہ ایس او پیز کے مطابق کئے جائیں ۔

مذکورہ فنڈز سے سکولوں کی تعمیرو مرمت کاکام ہوگا۔رنگ و روغن،بجلی کے بلزو دیگر اخراجات پر بجٹ خرچ ہوگا۔

این ایس بی کی عدم ادائیگی سے سرکاری سکول مالی بحران کا شکار تھے۔