گرمی کی چھٹیوں کے بعد سکول کے نئے اوقات کار جاری کردئیے گئے

جاری نوٹیفکیشن کے مطابق بچوں کو ہفتہ کے روز چھٹی ہوگی لیکن ٹیچرز حاضر رہیں گے، ہفتہ کے روز ٹیچرز صبح 9 سے 12 بجے تک ڈیوٹی دیں گے، سکول صبح 8 بجے لگا کریں گے، اور چھٹی دوپہر ڈیڑھ بجے ہوگی۔

سنگل شفٹ سکول کو جمعہ کے روز چھٹی 12 بجے ہوگی، جبکہ ڈبل شفٹ سکولز میں پہلی شفٹ 8 سے ساڑھے بارہ بجے تک لگا کرے گی، اور سکینڈ شفٹ میں سکول دوپہر ایک سے شام ساڑھے پانچ بجے تک لگا کریں گے۔

جمعہ کے روز سکینڈ شفٹ سکول اڑھائی بجے ست شام ساڑھے پانچ بجے تک لگیں گے، نئے اوقات کار کا اطلاق 15 اگست سے تمام سرکاری سکولوں پر ہوگا، ٹیچنگ سٹاف روزانہ دوپہر 3 بجے تک سکول رہے گا۔

اضافی وقت اور بروز ہفتہ 12 بجے تک نصابی سرگرمیاں، مختلف ٹریننگز جو ان کی استعداد کار کو بڑھائیں گی وہ کروائی جائیں گی۔