سرکاری سکولوں کے لیے نئے اوقات کار جاری
محکمہ سکولز نے رمضان المبارک کے پیش نظر صوبہ بھر کے سرکاری سکولوں کے لیے نئے اوقات کار جاری کر دیے ہیں۔
جاری اعلامیے کے مطابق رمضان المبارک کے دوران تمام سرکاری اسکول صبح 8:30 بجے کھلیں گے اور دوپہر ایک بجے تک کر دیے جائیں گے، تاکہ طلباء اور اساتذہ کو روزے کے دوران سہولت فراہم کی جا سکے۔ اعلامیے میں مزید بتایا گیا ہے کہ جمعہ کے روز اسکولوں میں چھٹی دوپہر 12:30 بجے کر دی جائے گی۔
محکمہ تعلیم کا کہنا ہے کہ ان اوقات کار کا اطلاق رمضان المبارک کے پورے 30 دنوں تک رہے گا۔ اس دوران اساتذہ کو بھی ہفتہ وار بنیاد پر ہفتے کے روز چھٹی دی جائے گی تاکہ وہ عبادات اور گھریلو امور کے لیے مناسب وقت حاصل کر سکیں۔
محکمہ سکول ایجوکیشن کے مطابق نئے اوقات کار کا مقصد تعلیمی سرگرمیوں کو متاثر کیے بغیر رمضان المبارک کے تقدس اور طلبہ و اساتذہ کی سہولت کو مدنظر رکھنا ہے، جبکہ تمام ضلعی تعلیمی افسران کو ہدایت جاری کر دی گئی ہے کہ وہ ان احکامات پر مکمل عملدرآمد یقینی بنائیں
