سنیارٹی لسٹ پر دستخط نہ کرنے اور غلفت برتنے پر محکمہ سکولز کے 53 ٹیچرز کو شوکاز نوٹس جاری

محکمہ سکولز ملتان نے قواعد و ضوابط کی عدم تعمیل پر 53 ٹیچرز کو باقاعدہ شوکاز نوٹس جاری کر دیا ہے، جس میں کہا گیاہے کہ بار ہا ہدایات کے باوجود مقررہ ذمہ داریوں کو پورا نہیں کیا گیا، جو ادارے کے نظم و ضبط اور باضابطہ کارروائی کے خلاف ہے۔

تمام افراد اپنی پوزیشن واضح کرتے ہوئے مقررہ مدت کے اندر تحریری جواب جمع کروائیں اگر جواب تسلی بخش نہ ہوا تو قواعد کے مطابق مزید انتظامی کارروائی عمل میں لائی جائے گی۔

نوٹس میں یہ بھی نشاندہی کی گئی ہے کہ ادارہ کسی بھی قسم کی غفلت، تاخیر یا غیر ذمہ دارانہ رویے کو برداشت نہیں کرے گا، اور تمام اسٹاف و متعلقہ افراد کو پابند کیا گیا ہے کہ وہ آئندہ اپنی ذمہ داریاں بروقت اور درست طریقے سے ادا کریں۔