پنجاب بھر کے اساتذہ کا ڈیٹا درست کرنے کا فیصلہ

محکمہ سکولز نے اساتذہ کے کوائف کی درستگی کے معاملے کو سمیٹتے ہوئے ایک بار پھر ایچ آر ، اور سس پر ڈیٹا درست کرنے کی اجازت دینے کا فیصلہ کیا ہے، اگر کسی ٹیچر کا ڈیٹا کا اندراج غلط ہوا ہے تو وہ اپنا ڈیٹا درست کروا سکتے ہیں۔

جاری مراسلے میں کہا گیا ہے کہ ضلعی کی سطح پر کمیٹیاں بنائی جائیں گی ، جس کے کنویئر سی ای او ایجوکیشن ہوں گے، جبکہ ممبران میں ڈپٹی ڈائریکٹر بی اینڈ پی اور اسسٹنٹ ڈائریکٹر ایڈمن ہوں گے ۔

کمیٹی آج 13 اپریل سے 30 اپریل تک کام کرے گی، اور ٹی او آرز ترتیب دے دئیے، جس کے بعد رپورٹ مرتب کرے گی کہ کن اساتذہ کے کوائف میں کوئی خرابی ہے اور اس کو درست کرنے کی ضرورت ہے۔

اس کےلئے کمیٹی سپورٹنگ ڈاکومنٹس بھی فراہم کرنے کی پابند ہوگی، اور متعلقہ ٹیچر سے حلف نامہ بھی لیا جائے گا۔