سکولوں میں چھٹیوں کا نوٹیفکیشن جعلی قرار دے دیا گیا

پنجاب ایجوکیشن ڈیپارٹمنٹ نے واضح کیا ہے کہ 6 سے 25 اپریل تک تعلیمی اداروں کی بندش سے متعلق گردش کرنے والا نوٹیفکیشن مکمل طور پر جعلی ہے اور اس کا حقیقت سے کوئی تعلق نہیں ہے۔

حکام کا کہنا ہے کہ ایسی کوئی پالیسی زیر غور نہیں، حکومت نے اسکول بند کرنے کا کوئی فیصلہ نہیں کیا۔

سوشل میڈیا پر وائرل نوٹیفکیشن کو "من گھڑت ہے والدین اور طلبہ کو خبردار رہیں اور وہ غیر مصدقہ خبروں پر یقین نہ کریں اور صرف سرکاری ذرائع سے جاری ہونے والی معلومات کو مستند سمجھیں ایسی افواہیں معاشرے میں غیر ضروری بے چینی اور کنفیوژن پیدا کرتی ہیں۔

مزید برآں محکمہ تعلیم نے یقین دہانی کرائی ہے کہ تعلیمی کیلنڈر یا اوقات کار میں کسی بھی تبدیلی کی صورت میں باضابطہ اعلان سرکاری پلیٹ فارمز کے ذریعے کیا جائے گا۔

فی الحال صوبے بھر کے تمام تعلیمی ادارے معمول کے مطابق کھلے رہیں گے۔