کنٹریکٹ پر تعینات 14 ہزار ایجوکیٹرز سوشل سیکورٹی الاؤنس وصول کرتے رہے

کنٹریکٹ پر تعینات 14 ہزار ایجوکیٹرز تیرہ سال سے مستقل نہ ہونے کے باوجود سوشل سکیورٹی الاؤنس لے رہے ہیں، حکومت نے چودہ ہزار ایجوکیٹرز سے کروڑوں روپے سوشل سکیورٹی الاؤنس کی ریکوری کرنے کا فیصلہ کیا ہے۔

تمام ایجوکیٹرز نے تین سالہ کنٹریکٹ کے بعد 2014 میں مستقل ہونا تھا، سرکاری اساتذہ کے مستقل ہونے پر تنخواہوں میں سے سوشل سکیورٹی الاونس کاٹ لیا جاتا ہے، دس برس سے زائد عرصہ گزر جانے کے باوجود ایجوکیٹرز کو مستقل نہیں کیا جاسکا، مستقل نہ ہونے کے باوجود ایجوکیٹرز دس سال سے سوشل سکیورٹی الاؤنس وصول کررہے ہیں، اساتذہ کے کنٹریکٹ میں ہر بار ایک سال کی توسیع کر دی جاتی ہے۔

ایجوکیٹرز کو دو ہزار گیارہ میں این ٹی ایس کے ذریعے بھرتی کیا گیا تھا۔