موٹر سائیکل سوار طلباء کے لیے ہیلمٹ کی پابندی بارے بھرپور آگاہی مہم کا اغاز
کمشنر ملتان عامر کریم خان کی خصوصی ہدایت کی روشنی میں موٹر سائیکل سوار طلبہ کے لیے ہیلمٹ کی پابندی بارے بھرپور اگاہی مہم کا اغاز کر دیا گیا ہے۔
اس سلسلے میں سی ای او ایجوکیشن ملتان ڈاکٹر صفدر حسین واہگہ کے زیر صدارت خصوصی اجلاس ہوا، جس میں ضلع بھر کے ڈی ای اوز اور ڈپٹی ڈی ای او شریک تھے۔
سی ای او ایجوکیشن ملتان ڈاکٹر صفدر حسین واہگہ نے کہا کہ اساتذہ اور طلبہ ہیلمٹ کا استعمال یقینی بنائیں، انسانی زندگی سے قیمتی کوئی چیز نہیں کمشنر ملتان عامر کریم خان کی ہدایت کی روشنی میں تمام طلبہ اساتذہ کرام اور والدین کو ہیلمٹ کے استعمال کا پابند کیا جائے۔
تمام طلبہ اور اساتذہ قانون کی پاسداری کرتے ہوئے ذمہ دار شہری ہونے کا ثبوت دیں، تعطیلات گرما کے بعد بغیر ہیلمٹ اور بغیر لائسنس والوں کے خلاف سخت ایکشن ہوگا
سی ای او ایجوکیشن ملتان ڈاکٹر صفدر حسین واہگہ نے کہا کہ مون سون بارشوں کے حوالے سے احتیاطی تدابیر اختیار کی جائیں، سکولوں کی چھتوں کی صفائی اور مرمت پرنالوں کی صفائی جلد مکمل کی جائے، ہر سکول کے درجہ چہارم کے ملازمین کی حاضری کو یقینی بنایا جائے۔
صفائی ستھرائی کا خاص خیال رکھا جائے، پانی کی ٹینکیوں کو ہر تین ماہ بعد صاف کیا جائے، واش روم صاف ہونے چاہیے، گراسی پلاٹ صاف ہوں اور گھاس کی کٹنگ بھی ہونی چاہیے، کلاس رومز کو بچوں کے لیے پرکشش بنایا جائے تاکہ تدریسی عمل کو بچوں کے لیے سازگار بنایا جا سکے۔
