اساتذہ نے ٹیچرز اینڈ اسیسمنٹ ٹیسٹ کے بائیکاٹ کا اعلان کردیا

پنجاب بھر کے اساتذہ نے ٹیچر اینڈ اسیسمنٹ ٹیسٹ پر تحفظات کا اظہار کرتے ہوئے اس کو استاد دشمن قرار دیا ہے اور تمام ٹیچرز کمیونٹی سے مطالبہ کیا ہے کہ وہ اس کا بائیکاٹ کریں۔

عہدیداروں کاکہنا ہے کہ ٹیسٹ کے بعد انٹرویو کے پینل میں پیف کے نمائندے ہوں گے جس سے سمجھا جاسکتا ہے کہ ٹریننگ ٹیسٹ کے نام پر کیا گیم ہونے جا رہی ہے، ٹیسٹ تو ٹریننگ میں ہی لیا جاتا ہے جب ٹریننگ ہی نہیں تو اس طرح امتحانی مراکز بناکر ٹیسٹ لینے کا کیا مقصد ہے اور پبلک سروس کمیشن کی طرح کے انٹرویو پینل کیوں بناۓ جارہے ہیں؟ اور اس بار تو پی ایس ٹی سے لے کر ایس ایس تک سب زد میں آرہے ہیں۔

لہذا تمام اساتذہ ہوش کے ناخن لیں اور ٹیسٹ کا بائکاٹ کریں ورنہ ملازمت سے ہاتھ دھونے پڑیں گے، جلد ہی ا س ٹیسٹ کی حقیقت بارے آگاہی مہم شروع کی جائے گی ۔