سکولوں میں ایس آئی ٹیز کی بھرتی کےلئے درخواستوں کی وصولی شروع

محکمہ سکولز نے عارضی اساتذہ کی بھرتیوں کا اعلان کیا تھا جس کےلئے درخواستوں کی وصولی شروع کردی گئی ہے، درخواستیں 24 جنوری تک وصول کی جائیں گی،منتخب امیدواروں کے انٹرویو 25 جنوری کو لیے جائیں گے،منتخب امیدواروں کی فہرستیں آن لائن پورٹل پر 31 جنوری کو جاری کی جائیں گی۔

سکولوں میں ایک لاکھ پندرہ ہزار سے زائد اسامیاں خالی پڑی ہیں، پنجاب بھر کے 42 ہزار سکولوں میں ضرورت کے تحت اساتذہ کی بھرتیاں کی جائیں گی، بھرتیاں 4 ماہ کے کنٹریکٹ پر یکم فروری سے 31 مئی تک کی جائیں گی،گرمی کی چھٹیوں کے بعد کنٹریکٹ میں دوبارہ توسیع کی جائے گی۔

امیدوار سکول پنجاب گورنمنٹ ایپ پر آج سے آن لائن اپلائی کرسکیں گے، اپلائی کرنے کے لئے عمر کی حد 21 سے 45 سال مقرر کی گئی ہے، امیدوار کی تعلیمی قابلیت ماسٹر اور گریجویٹ کے ساتھ پروفیشنل ڈگری ہونا لازمی ہے۔